136
REGISTRES DU BUREAU
[i553]
Roy, auquel nous en escripvons par Mons' le greffier Du Tillet, present porteur, qui vous pourra dire les choses par le menu et tout ce qui a esté faict à l'As­semblée, pour avoir esté present en qualité de l'un
des mandez de son quartier, comme noterc et se­cretaire du Roy.
"Monseigneur, nousprirons, etc."
CCXXVIII. — Lettres escriptes de par la Ville à Monseigneur l'Admiral.
23 mars 1553. (B Fol. 120 r°.)
Monseigneur, "Ainsy qu'il vous feust par nous escript le jour d'hier C après la publication des lettres concernans la fortification de ceste ville faicte en la Court de Parlement, Chambre des Comptes et generaulx des Aydes, ce jourd'huy s'est trouvé une fort bonne Com­pagnie, en l'Hostel de ceste Ville, de ceulx qui avoient esté mandez pour procedder à l'execution des lettres, à laquelle ont esté faictes les remonstrances telles qu'il a semblé estre faictes pour facilizer Jes choses et advancer l'affaire au gré et contentement d'ung chascun s'il estoit possible. Nous pensons avoir faict
beaucoup d'avoir gaigné ceste journée. Demain nous esperons faire quelques commencemens, et de là en avant continuer tout au mieulx qu'il nous sera pos­sible; et ne fauldrons à vous advertir du tout affin d'estre pourveu au surplus, ainsy que verrez estre à fere par raison.
"Monseigneur, nousprirons Nostre Createur qu'il vous doint sa grace et en santé bonne vye et longue.
"A Paris, le xxine Mars mil v° lu.
"Vos trés humbles, obéissans serviteurs,
"Les Prevost des Marchans et Eschevins de la Ville de Paris -.
CCXXIX. — Lettres escriptes X Monseigneur le Connestable.
24 mars 1553. (B Fol. 120 v°.)
Monseigneur,
" Suivant ce qu'il nous a pleu mander vous advertir le jour d'hier, l'on commença à besongner ceans à l'execution des lettres du Roy concernans à la forti­fication de ceste ville, comme par cy devant vous avons escript'2'. Nous avons dressé quatre bureaux pour besongner à quatre quartiers ensemble, et esperons par là avoir grand avancement; vous asseurans, Monseigneur, qu'il ne se perdra aucun temps et que de nostre part sera faicte toute dili­gence, admonestans les Commissaires et déléguez de venir matin et les retenir le plus tard qu'il sera possible. Nous estimons avoir ja beaucoup faict pour avoir bien commencé.
"Lesd. Commissaires desireroient bien fort veoir ce qu'il a pleu au Roy ordonner sur le roolle de mesd. S™ [de ceulx] qui ont esté mis hors des quar­tiers; et sont d'advis qu'il plaise au Roy y adjouster les Chartreux, Celestins, Sainct Victor, Saincte Ge-
neviefve, Sainct Magloire, Sainct Martin des Champs, Nostre Dame des Champs ; et à la verité ilz occupent grands ieulx et sont riches, et est bien raisonnable qu'ilz supportent infinis paouvres gens qu'il y a en ceste ville.
"Monseigneur, il est bruyt par toute ceste ville que ceulx de la Saincte Chapelle ont deliberé d'aller vers le Roy et vous pour estre exemptz et à tout le moings estre mis tous ensemble pour une maison; ceulx de l'Eglise de Paris disent faire le pareil pour leur cloistre. Nous avons dict à ceulx qui nous en ont parlé que le Roy nous avoit asseurément promis de nul exempter et que luy mesme y a voullu estre comprins, et vous aussy'3'. S'il vous plaist, vous tien­drez la main à ce qu'il plaise au Roy nous tenir pro­messe, car telles exemptions nous pourroient donner trouble : par quoy ung petit mot de lettre à nous pour cest effect contenteroit ung chascun '*'. »
(■> Voir l'article ci-dessus CCXXIV.
(2)   Voir ci-dessus les articles CCXXVII et CCXXIIt.
(3)   On verra par le rôle des propriétés imposées "hors des quartiers" (c'est-à-dire non comprises dans les rôles dressés par les Quar­teniers), que les réclamations de l'Echevinage ont été accueillies, sauf en ce qui concerne Notre-Dame-des-Cliamps, la Sainte-Chapelle et l'Eglise cathédrale, dont les noms ne figurent pas au rôle susdit : article ci-dessous CCXLIII, sous la rubrique : Les Communaulté*.
■-' Le bas du folio 121 r° est resté en blanc, ainsi que les folios 121 v°, 122 à 124.